बलिराम शुक्ला, २० बिरुवागुठी/ विजया दशमी (दशहरा) नजिकिएसँगै पर्साको ग्रामीण भेगमा दुर्गा भगवतीलगायत देवीदेवताका मूर्ति बनाउने मूर्तिकारहरूलाई अहिले भ्याइनभ्याई भएको छ। गाउँघरमा दुर्गा भगवतीको पूजा भव्य रूपमा मनाउने परम्परा रहेकाले मूर्तिकारहरू दिनरात मूर्ति बनाउन व्यस्त भएका छन्।
पर्सागढी नगरपालिकाका विभिन्न वडामा सप्तरीबाट आएका मूर्तिकार उपेन्द्र खाङ्गलाई पनि अहिले मूर्ति बनाउन चटारो छ। जितिया पर्वका लागि मूर्ति बनाएर सकेलगत्तै उनले पर्सागढी–३ बडनिहार, हरदासपुरलगायत तीन स्थानमा दुर्गा भगवतीको मूर्ति बनाउने जिम्मेवारी लिएका छन्।
मूर्ति बनाउन व्यस्त खाङ्गका अनुसार दशैंको यस सिजनमा मात्रै मूर्ति निर्माणबाट करिब दुईदेखि तीन लाख रुपैयाँसम्म आम्दानी हुने अपेक्षा छ। पर्वको समय छोटो भएकाले एकपछि अर्को ठाउँमा मूर्ति निर्माणको काम गर्नुपर्ने हुँदा अहिले आराम गर्ने समयसमेत नरहेको उनले बताए।
पर्साको ग्रामीण क्षेत्रमा यस वर्ष दुर्गा भगवतीको मूर्तिसँगै लक्ष्मी, सरस्वती, गणेश, शिव–पार्वतीलगायत देवीदेवताका मूर्तिहरू समेत निर्माण भइरहेका छन्। मूर्ति निर्माणको काममा माटो तयार गर्ने, आकार दिने, सुकाउने, रङरोगन गर्ने तथा अन्तिम सजावट गर्ने काममा मूर्तिकारहरू व्यस्त देखिन्छन्।
दशैंमा स्थापना गरिने मूर्तिमा धार्मिक आस्थाअनुसार विधिपूर्वक पूजा–पाठ गरिने भएकाले मूर्तिकारहरूले पनि मूर्तिको आकार, स्वरूप र सजावटमा विशेष ध्यान दिने गरेका छन्।
यस वर्षको विजया दशमी अर्थात् दशहरा पर्वको घटस्थापना असोज २५ गतेदेखि सुरु हुँदैछ। घटस्थापनाका लागि मूर्ति स्थापना र पूजा तयारी गर्नुपर्ने भएकाले त्यसअघि नै मूर्ति तयार पार्न मूर्तिकारहरूलाई अहिले निकै चटारो परेको छ।
पर्वको समयमा मूर्तिकारको कला र मेहनतले ग्रामीण क्षेत्रका दुर्गा पूजा स्थललाई आकर्षक बनाउने गरेको छ। धार्मिक आस्थासँग जोडिएको मूर्ति निर्माणको कामबाट आफ्नो परिवारको जीविकोपार्जन गर्दै आएका मूर्तिकारका लागि दशैंको मौसम आम्दानीको महत्वपूर्ण समयसमेत बन्ने गरेको
.jpg)
COMMENTS