बिरुवागुठि, २५ साउन/पर्सागढी नगरपालिका–३ स्थित आमोदेवी मन्दिर परिसरमा नव निर्मित गुम्बा भवनको निर्माण कार्यको गुणस्तरमाथि प्रश्न उठेको छ। निर्माण सम्पन्न भएको छोटो समयमै भवनको छतको बीच भाग चर्किनुका साथै पिल्लर र बिमसमेत फुटेको स्थानीयले बताएका छन्।
मधेस प्रदेश सरकारबाट विनियोजित २० लाख बजेट पर्यटन विकास कार्यालय, पर्सामार्फत उपभोक्ता समिति गठन गरी गुम्बा भवन निर्माण गरिएको बताइएको छ। स्थानीयका अनुसार निर्माण कार्यमा गुणस्तरहीन सामग्री तथा कमजोर निर्माण प्रविधि प्रयोग गरिएको आरोप छ। उपभोक्ता समितीले कमिसनको कारण निर्माण कार्य ठेकदार मधुसूदन अधिकारी मार्फत काम गराइएको भन्दै त्यसको समेत छानबिन गर्न माग गरेका छन्।
भवनमा देखिएको क्षतिपछि स्थानीयवासीले निर्माण कार्यको खुलेर विरोध गर्दै सम्बन्धित निकायले तत्काल स्थलगत निरीक्षण गरी भवनको प्राविधिक परीक्षण गर्नुपर्ने माग गरेका छन्।
स्थानीयको आरोपअनुसार, उपभोक्ता समितिका अध्यक्ष दावा लामाले स्थानीयलाई पर्याप्त जानकारी नदिई निर्माण कार्य अघि बढाएको र निर्माणको गुणस्तरमाथि प्रश्न उठेपछि चर्किएको छत तथा फुटेका बिम र पिल्लरमा प्लास्टर गरी समस्या ढाकछोप गर्ने प्रयास गरिएको थियो। त्यस क्रममा स्थानीय र निर्माण पक्षबीच भनाभनसमेत भएको स्थानीय युवा प्रकाश पाख्रिनले बताए ।
स्थानीयले सार्वजनिक बजेटबाट निर्माण भएको संरचनामा यति छिट्टै क्षति देखिनु पर्यटन बिकास कार्यालय पर्सा , उपभोक्ता समिती र उपभोक्ता समितीले गैरकानुनी ढङ्ग बाट ठेकदार लाई कमिसनको लोभमा निर्माण कार्य दिई कमसल काम गराउनु गम्भीर विषय भएको भन्दै निर्माणको लागत, प्राविधिक मापदण्ड, उपभोक्ता समिति तथा ठेकेदारको भूमिकाबारे छानबिन गर्न माग गरेका छन्।
यस विषयमा पर्यटन विकास कार्यालय, पर्साका इन्जिनियर दिपु यादवसँग प्रतिक्रिया लिन खोज्दा उनले प्रतिक्रिया दिन मानेनन्।
.jpg)
COMMENTS