विरगंज २३ साउन/ प्रतीक दैनिकले प्रदान गर्दै आएको सुबोध स्मृति पत्रकारिता पुरस्कार यस वर्ष वीरगंजका पत्रकार महेशचन्द्र गौतमलाई प्रदान गर्ने निर्णय गरेको छ । प्रतीक दैनिकको शनिवार बसेको बैठकले पत्रकारिता क्षेत्रमा गौतमले पुर्याएको योगदानको कदर गर्दै उक्त पुरस्कार प्रदान गर्ने निर्णय गरेको हो ।
प्रतीक प्रकाशन समूहको ४०औं वार्षिकोत्सवको अवसरमा आगामी भदौ १ गते आयोजना हुने समारोहमा गौतमलाई ५१ हजार रुपैयाँ राशिको सुबोध स्मृति पत्रकारिता पुरस्कार प्रदान गरिने जनाइएको छ ।
यसैगरी, प्रतीक दैनिकले गत वर्षदेखि प्रदान गर्न थालेको स्वर्गीय चिरञ्जीवी कोइराला पत्रकारिता पुरस्कार यस वर्ष अर्जुन चौधरीलाई प्रदान गर्ने निर्णय गरेको छ । १५ हजार रुपैयाँ राशिको उक्त पुरस्कार पनि वार्षिकोत्सव समारोहकै अवसरमा प्रदान गरिनेछ ।
पत्रकारिता क्षेत्रमा योगदान पुर्याउने सञ्चारकर्मी तथा व्यक्तित्वलाई सम्मान गर्ने उद्देश्यले प्रतीक दैनिकले विभिन्न पुरस्कार तथा सम्मान प्रदान गर्दै आएको जनाएको छ । सोही क्रममा यस वर्ष पनि पत्रकारिता र सञ्चार क्षेत्रमा योगदान पुर्याएका व्यक्तिहरूलाई सम्मान गर्न लागिएको हो ।
यसैगरी, प्रतीक दैनिकले स्तम्भकार राजेन्द्र कोइरालालाई स्तम्भकार पुरस्कार प्रदान गर्ने निर्णय गरेको छ । कोइरालाले प्रतीक दैनिकमा नियमित स्तम्भलेखन कार्य गर्दै पुर्याएको योगदानको मूल्याङ्कन गर्दै उक्त पुरस्कार प्रदान गर्न लागिएको जनाइएको छ ।
त्यस्तै, प्रतीक दैनिकका ठोरी संवाददाता चिरञ्जीवी सापकोटा र सहायक मेशीन अपरेटर विजय श्रेष्ठलाई पनि वार्षिकोत्सव समारोहमा पुरस्कृत गर्ने निर्णय गरेको छ । प्रकाशन समूहले आफ्नो वार्षिकोत्सवलाई विशेष कार्यक्रमका रूपमा आयोजना गरी पत्रकारिता तथा सञ्चार क्षेत्रमा योगदान पुर्याउने व्यक्तिहरूलाई सम्मान गर्ने तयारी गरेको छ ।
आगामी भदौ १ गते हुने ४०औं वार्षिकोत्सव समारोहमा पुरस्कार तथा सम्मान वितरणसँगै पत्रिकाको विगत, वर्तमान र आगामी योजनाबारे समेत चर्चा गरिने जनाइएको छ । प्रतीक दैनिकले प्रत्येक वर्ष वार्षिकोत्सवका अवसरमा विभिन्न क्षेत्रका व्यक्तित्वलाई सम्मान गर्दै आएको छ । साभारः प्रतिक दैनिक
.jpg)
COMMENTS