नागरिकता किर्ते मुद्दामा पक्राउ परेका वीरगंजका मेयर राजेशमान सिंह धरौटीमा रिहा

विरगंज १९ जेठ/ नागरिकता सम्बन्धी लिखत किर्ते मुद्दामा पक्राउ परेका वीरगंज महानगरपालिकाका मेयर राजेशमान सिंह धरौटीमा रिहा भएका छन्। पर्सा जिल...

विरगंज १९ जेठ/

नागरिकता सम्बन्धी लिखत किर्ते मुद्दामा पक्राउ परेका वीरगंज महानगरपालिकाका मेयर राजेशमान सिंह धरौटीमा रिहा भएका छन्। पर्सा जिल्ला अदालतले मंगलबार दिनभरको सुनुवाइपछि उनलाई ४ लाख १५ हजारको धरौटीमा छाड्ने आदेश दिएको हो ।
जिल्ला अदालत पर्साबाट पक्राउ पुर्जी जारी भएपछि फरार रहेका मेयर सिंहलाई ७ दिन पछाडि प्रहरीले आज पक्राउ गरेको थियो । पक्राउ पछि आजै बिहान प्रहरी मार्फत अदालतमा उपस्थित भएका थिए। जिल्ला अदालतका न्यायाधीश गायत्री प्रसाद रेग्मीको इजलासमा भएको सुनुवाइमा सिंहको पक्षबाट अधिवक्ता प्रमोद यादव, कमलमोहन पोखरेल, अरुण ज्ञवाली र शिव कोइराला लगायतले बहस गरेका थिए ।
स्थानीय लियाकत अलीको जाहेरीका आधारमा जिल्ला सरकारी वकिल कार्यालयले सिंह विरुद्ध नागरिकता सम्बन्धी लिखत किर्ते मुद्दा दर्ता गरेको थियो। दुवै पक्षको बहसपछि अदालतले उनलाई धरौटीमा रिहा गर्ने आदेश दिएको हो।